網紅的藏寶箱原來食晚飯都係會以年齡分！
本來想食一間西餐廳，但係門口排長龍，而且排嘅都係年青人，就唔係幾好意思去拉高人哋嘅平均年齡啦！於是去食中餐，去到中餐似乎我又俾人拉高咗平均年齡喎！
始終年紀大少少嘅，唔係咁鍾意排隊，亦都希望坐得 疏落啲。呢間酒樓另一個好處就係有半份，對於人少嘅來講，可以試多幾個餸係唔錯嘅，最特別係佢每位加$8 ，就有甜品無限添食。本來我都諗住叫碗綠豆沙，一碗都已經$18，而家可以試多唔同嘅嘢，實在非常化算。
食物唔差㗎，價錢都好合理。星期一去仲有五折添！無限糖水放題對我哋來講係咪好抵食，但係對啲服務員來講就慘囉，見佢哋冇停腳、冇停手咁捧出一盤又一盤甜品同埋糖水，真係行到腳軟，捧到手軟！
梗係啦，我哋呢啲老人家，見抵，仲唔博命咩！
#何嘉麗callmegaga #何嘉麗 #為食路上
#沙田 #東海薈 #8蚊甜品放題
#食物唔錯 #服務都好
#以8蚊來講甜品都好食
Search